Үйлчилгээний нөхцөл

Нэг. Ерөнхий нөхцөл

1. “Хос Бадар” ХХК-ийн албан ёсны бүтээгдэхүүн “Smartger” нь худалдааны цахим орон зайг бий болгож, цахим худалдааны  үйлчилгээг олон нийтэд хүргэнэ.
2. Энэхүү Үйлчилгээний нөхцөлд хэрэглэсэн дараах нэр томъёог дор дурдсан утгаар ойлгоно. Үүнд: 
   • Цахим худалдааны систем” гэж Албан ёсны гэрээт борлуулагчийн бараа бүтээгдэхүүн, үйлчилгээг хэрэглэгчдэд санал болгох, худалдан авалтыг цахимаар хийх үйлчилгээг үзүүлж буй албан цахим хуудас https://smartger.mn/ (цаашид “Smartger” гэх)
   • “Хэрэглэгч” гэж энэхүү Үйлчилгээний нөхцлийг хүлээн зөвшөөрч, “Smartger”-г хэрэглэж буй иргэний эрх зүйн бүрэн чадамжтай иргэнийг
   • “Албан ёсны гэрээт борлуулагч”- Бараа бүтээгдэхүүн борлуулах болон үйлчилгээ үзүүлэх албан ёсны эрхтэй хуулийн этгээд, хувь хүнийг
   • Хэрэглэгч нь “Smartger”-д нэвтэрсэн эсхүл бүртгүүлсэн үеэс эхлэн Үйлчилгээний нөхцлийг мөрдөх бөгөөд тухайн үеэс уг нөхцлийг хүлээн зөвшөөрсөнд тооцно.
3. “Smartger” нь Албан ёсны гэрээт борлуулагчийн бараа бүтээгдэхүүн, үйлчилгээний мэдээллийг Хэрэглэгчдэд хүргэж, танилцуулах болон худалдан авалтыг цахимаар хийх боломжийг өөрсдийн цахим худалдааны системээр дамжуулан хэрэглэгчид олгоно.
4. Хэрэглэгч нь иргэний эрх зүйн бүрэн чадамжтай иргэн байх бөгөөд насанд хүрээгүй хүүхэд эцэг эхийн хамт үйлчилгээний нөхцлийн дагуу худалдан авалт хийх боломжтой.
5. Энэхүү Үйлчилгээний нөхцлийг хэрэгжилтэд “Хос Бадар” ХХК болон Хэрэглэгч нар нь хамтран хяналт тавина.
6. Холбогдох хууль тогтоомжийн дагуу согтууруулах ундааг зөвхөн 21 нас хүрсэн хүнд хүргэж үйлчилнэ.

Хоёр. Хэрэглэгч болон бүртгүүлэх

1. Хэрэглэгчээр бүртгүүлэхдээ “Smartger”ийн Профайл хэсэгт дарж бүртгүүлэх сонголтоо хийж бүртгүүлнэ.
2. “Smartger”-д Хэрэглэгчээр бүртгүүлснээр бараа бүтээгдэхүүн, үйлчилгээ захиалах, хүслийн жагсаалт үүсгэх, өөрийн захиалгыг хянах эрхтэй болно.
3. Хэрэглэгч нь “Smartger”-д нэвтрэх цахим шуудан болон нууц үгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсэний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна.
4. Хэрэглэгч “Smartger”-н талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд smartger.mn дээрх онлайн туслах, https://www.facebook.com/www.smartger.mn-д хандан мессэж илгээх боломжтой.
5. Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээнэ.

Гурав. Захиалга хийх, баталгаажих, цуцлах хугацаа

1. Захиалга баталгаажих, цуцлагдах хугацаа:
   • Хэрэглэгч нь Facebook page хуудсаар мөн 7706-0000 утсаар оператортой холбогдон захиалга өгснөөр захиалга баталгаажина. 
   • Хэрэглэгч нь smartger.mn вэб хуудас болон Чатботоор захиалга хийснээс хойш 48 цагийн дотор зааврын дагуу төлбөрийг бүрэн шилжүүлснээр захиалга баталгаажина. 
   • smartger.mn вэб хуудас болон Чатботоор захиалсан захиалгын төлбөр 48 цагийн дотор холбогдох дансанд орж ирээгүй тохиолдолд захиалга автоматаар цуцлагдана. Нэгэнт цуцлагдсан захиалгыг дахин сэргээх боломжгүй бөгөөд хэрэглэгч хүсвэл захиалгыг дахин шинээр хийх боломжтой.
   • Хэрэглэгч 48 цагийн дотор төлбөрийг гүйцэтгэж чадалгүй захиалга цуцлагдсан тохиолдолд “Хос Бадар” ХХК ямар нэгэн хариуцлага хүлээхгүй.
2. Захиалгын бараа хүргэгдэх хугацаа:
   • Захиалга баталгаажсанаас хойш хүргэлт хийгдэж эхэлнэ.
   • Шинэ захиалга, амжилттай захиалга, төлбөр хүлээн авсан үед хэрэглэгчийн бүртгүүлсэн цахим шууданд болон бүртгүүлсэн гар утсанд “Smartger”-ээс мэдэгдэл илгээнэ.
   • Захиалгыг баталгаажуулсан хугацаа, тээвэрлэлт, аюулгүй байдал зэргээс хамаарч БЭЛЭН барааг Улаанбаатар хотод 2-8 цагт, хөдөө, орон нутагт 48-96 цагийн дотор хүргэнэ.
   • Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно.
3. Онцгой бараа:
   • Барааны төрөл, хэлбэр, жин, овор хэмжээнээс хамааран захиалга болон хүргэлт хийх хугацаа өөр байх боломжтой. Хэрэв Хэрэглэгчийн хийсэн захиалгын бараа онцгой шинж чанартай байх тохиолдолд тухайн үеэд нь Хэрэглэгчид мэдэгдэх, тодруулах, захиалгыг дахин баталгаажуулж хүргэлтийн нөхцөлийг тодорхойлох болно.

Дөрөв. Төлбөр төлөх, захиалга цуцлах

1. Хэрэглэгч smartger.mn вэб хуудас болон Чатботоор захиалга хийж баталгаажуулсны дараа цахим хэлбэрээр захиалгын хуудасны мэдээлэл авна. 
2. Хэрэглэгч захиалгын төлбөрийг урьдчилан автомат төлбөрийн хэрэгсэл ашиглан төлөх боломжтой. 
   • “Smartger” нь Facebook page хуудас болон 7706-0000 утсаар холбогдон захиалга өгсөн тохиолдолд хүргэлтийн ажилтнаар захиалсан бараа бүтээгдэхүүнийг хүргүүлэн авсны дараа төлбөр тооцоо хийх боломжтой. 
   • “Smartger” нь eger.mn вэб хуудас болон Чатбот ашиглан захиалга хийсэн тохиолдолд нийт үнийн дүнг 100 хувь урьдчилан хүлээн авснаар захиалга автоматаар баталгаажин хүргэлт хийгдэнэ.
3. Хэрэглэгч smartger.mn вэб хуудас болон Чатботоор захиалга хийснээс хойш 48 цагийн дотор төлбөрийг хүлээн авагчийн дансанд шилжүүлэх, байршуулах шаардлагатай. Төлбөрийг шилжүүлэх, байршуулахад системд заагдсан зааврыг зайлшгүй дагаж мөрдөнө.
4. Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний Бүртгэл” хэсгээс захиалгын тухай дэлгэрэнгүй мэдээллийг харах боломжтой.
5. “Smartger” нь Хэрэглэгчид eger.mn вэб хуудас болон Чатбот ашиглан захиалга хийгдсэнээс хойш 48 цагийн дотор төлбөр гүйцэтгэх боломжийг олгож байгаа бөгөөд тус хугацаанд захиалгыг цуцлах, өөрчлөх боломжтой.  
6. Хэрэглэгч бараа бүтээгдэхүүн, үйлчилгээний мэдээлэлтэй сайтар танилцаж, захиалгаа давхар нягтлах үүрэгтэй.
7. “Smartger”-д барааны албан ёсны брэнд, бүтээгдэхүүний нэр, код зэрэг мэдээлэл байгаа тул бусад мэдээллийн сувгийг ашиглан тус барааны талаар мэдээлэл, бусад орны хэрэглэгчдийн санал гомдлыг судлах боломжтой.

Тав. “eGer”-н оюуны өмчтэй холбоотой эрхийг хамгаалах

1. Цахим барааны тэмдгүүд нь “Хос Бадар” ХХК-ний өмч бөгөөд бараа бүтээгдэхүүний барааны тэмдгүүд нь Брэндүүдийн өмч болно. Энэхүү вэбсайтын лого, нэр, бүтэц, загвар, контентыг хуулах, олшруулах, дуурайх, бусад хэлбээр ашиглах болон бусад этгээдийн зүгээс ашиг олох зорилгоор ашиглахыг хориглоно.
2. “Хос Бадар” ХХК-ийн оюуны өмчийн эрх зөрчигдсөн тохиолдолд холбогдох этгээдэд Оюуны өмчийн тухай хууль, Зөрчлийн тухай хууль, Эрүүгийн тухай хуульд заасан хариуцлага хүлээлгэнэ.

Зургаа. Бараа бүтээгдэхүүн буцаах, солих журам

1. Хэрэглэгч захиалсан бараа бүтээгдэхүүнийг хүлээн авахдаа захиалсан хэмжээ, өнгө, загвар зөв эсэх, хэмжээ нь бүрэн таарч байгаа эсэх, бүрэн ажиллагаатай байгаа эсэхийг шалгаж авна.
2. Хэрэглэгч дараах тохиолдлуудаас бусад шалтгаанаар буцаах болон солиулах боломжгүй.
3. Бараа бүтээгдэхүүнийг буцаах боломжтой тохиолдлууд:
   • Захиалсан бараа хүлээн авах үед гэмтэлтэй байсан.
   • Захиалсан барааны хэмжээ томдсон/багадсанаас шалтгаалан барааг солиулах хүсэлт гаргасан боловч сольж авах бараа дууссан; /Таны захиалсан барааны хэмжээ мөн боловч брэндийн болон загварын онцлогоос шалтгаалан танд томдох/жижигдэх нөхцөл байдал үүсч болно. Энэ тохиолдолд барааг солиулах сонголт байх бөгөөд солих бараа байхгүй үед захиалгаа буцааж болно.
   • Захиалсан барааг хүлээн авах үед загвар, хэмжээ, өнгө зөрсөн. Өнгө, хэмжээ, загвараас солиулах боломжгүй нөхцөлд өөр төрлийн бараа, бүтээгдэхүүнээс сонгож зөрүүг нэмж төлөх, эсхүл буцаах эрхтэй.
   • Захиалсан бараа гэмтэлтэй, зохих ёсоор бүрэн ажиллахгүй байсан.
   • Захиалсан барааны чанар, өнгө үзэмж, материалын хувьд таалагдаагүй тохиолдолд 72 цагийн дотор буцаах болон солиулах боломжтой.
4. Хэрэглэгч худалдан авсан барааг буцаах тохиолдолд барааг хүлээн авсан цагаас хойш Улаанбаатар хотод 7 өдрийн дотор, орон нутгаас 10 хоногийн дотор буцаах боломжтой. Буцаах барааг өөрийн биеэр буцаах эсвэл өөрийн байгаа газраас авхуулж болно. Хэрэв өөрийн байгаа газраас барааг буцаах эсвэл солих тохиолдолд хүргэлтийн хөлс болох 5000 төгрөгийг төлбөр болгон авна.
5. Бараа бүтээгдэхүүнийг буцаах, солиулахад тухайн худалдан авсан бараа бүтээгдэхүүний тооцооны хуудсыг үндэслэх ба бараа бүтээгдэхүүн нь дахин худалдаалах боломжтой байна.
6. Сав баглаа боодлыг онгойлгосон болон эвдэрч гэмтсэн, бохирдсон тохиолдолд солих болон буцаах боломжгүй.
7. Дотуур хувцас, нимгэн өмд, трико, усны хувцас хэрэгсэл, задгай савалгаатай нярай хүүхдийн тоглоом, хэрэглэл, алт, монет, мөнгө, үнэт чулуу, сувд-зэрэг үнэт эдлэл, бүх төрлийн материалаар хийсэн ээмэг, архи согтууруулах ундаа, Гоо сайхан, арьс арчилгааны бүтээгдэхүүн зэрэг бүтээгдэхүүнүүдэд солих болон буцаах нөхцөл үйлчлэхгүй.

Долоо. Бусад

1. Хос Бадар ХХК нь Үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр smartger.mn сайт дээр нийтэд нээлттэй нийтлэх бөгөөд Хэрэглэгч нь танилцах үүрэг хүлээнэ.
2. Хэрэглэгчийг захиалга хийгдэх үед хүчинтэй байсан үйлчилгээний нөхцөл захиалгыг хүргэх шатанд өөрчлөгдсөн тохиолдолд өмнөх үйлчилгээний нөхцлийг үндэслэн бараа, бүтээгдэхүүнийг хүлээж авах хүртэлх хугацаанд хүчинтэйд тооцох болно.